Sizning mehnatga oid haq-huquqlaringiz O‘zbekiston Respublikasi qonunchiligi bilan himoyalangandir. Mehnat vazirligi va vazirlikning yurtimizdagi barcha bo‘linmalari tomonidan tezkor suratlarda mehnat haq-huquqi va sharoitlari monitoring qilinadi. Monitoringda nogironlarga yaratilgan sharoitlarga ham e’tibor qaratiladi. Mehnat qonunchiligini buzgan, nogironlarning ishlashi uchun yetarli sharoit yaratmagan yuridik va jismoniy shaxslarga vazirlik yo‘l qo‘yilgan xatolarni tuzatish bo‘yicha ogohlantirish va jarima yozadi.

Juda ko‘p davlatlarda mehnat haq-huquqlari va sharoitlarini monitoring qilish ishlariga keng jamoatchilik jalb qilinadi. Vazirlik siz uchun jamoatchilik nazorati maydonini keng ochdi. Endi siz mehnat qonunchiligining buzilishi, nogironlarning mehnat qilishi mumkin bo‘lgan ish o‘rinlarini kuzatsangiz, fotografiyalarni ilova qilgan holda bizga xabar berishingiz mumkin.

Kelib tushgan barcha murojaatlar vazirlik tomonidan o‘rganib chiqiladi, joylarga borib tekshiriladi va kamchilik kuzatilgan holda kerakli choralar ko‘riladi.


Yordamingiz uchun rahmat!